Mar adentro é unha película española biográfico-dramática de 2004, coescrita e dirixida por Alejandro Amenábar e protagonizada por Javier Bardem, Belén Rueda e Lola Dueñas. Está baseada na historia real de Ramón Sampedro, un escritor e ex mariñeiro, o que queda tetrapléxico tras un accidente ocorrido durante a súa mocidade, polo que vai permanecer prostrado nunha cama durante case 30 anos, situación pola que desexa morrer mediante a aplicación da eutanasia. A película relata a loita de Sampedro para lograr que a lei recoñeza o seu dereito a morrer. A súa única xanela ao mundo é a da súa habitación, xunto ao mar polo que tanto viaxou e onde sufriu o accidente. Dende entón, o seu único desexo é terminar coa súa vida dignamente. A chegada de dúas mulleres alterará o seu mundo: Julia a avogada que quere apoiar a súa loita, e Rosa unha veciña do pobo que tentará convencerlle de que vivir paga a pena. A luminosa personalidade de Ramón termina por cativar a ambas, que terán que cuestionar como nunca antes os principios que rexen as súas vidas. El sabe que só a persoa que de verdade lle ame, será a que o axude a realizar esa última viaxe.
Neste enlace poderedes obsevar todos os premios aos que foi nomeado o filme:
https://www.premiosgoya.com/pelicula/mar-adentro/
Neste outro enlace atoparedes mais información a cerca do filme
https://es.wikipedia.org/wiki/Mar_adentro
Segundo a miña opinión esta é unha película cunha mensaxe moi bonita e significativa, que nos ensina que por unha pequena cousa ou un pequeno incidente podemos perder toda a vida. Pero tamén é un exemplo de loita, xa que Ramón trata de defender os seus dereitos e conseguir que lle permitan ter unha morte digna. Tamén vemos a mostra de amor debido a que a súa familia axúdao en todo momento e mais dúas mulleres que están dispostas a arriscarse e ter problemas por axudalo.
xoves, 9 de xaneiro de 2020
Subscribirse a:
Publicar comentarios (Atom)
Video 21 días en galego
Xunto o vídeo de 21 días en galego, que subín a uha cinta de Instagram: @hasdecantar https://www.instagram.com/tv/B71n_FsDx3A/?igshid=1m05...
-
San Estevo de Buño pertence ao concello de Malpica de Bergantiños (A Coruña). Forma parte da Costa da Morte (Costa da Morte). Ten 6...
-
A muiñeira é unha danza popular de orixe galega que se baila en Galicia e nas comunidades autónomas españolas de Asturias e en territorios d...
-
A publicación de Cantares Galegos por Rosalía de Castro foi o 17 de maio de 1863 en Vigo, a data que marca a referencia para a celebración d...
Ningún comentario:
Publicar un comentario