O mosteiro foi fundado no ano 952 por Hermenegildo Alóitez, conde de Présaras, e a súa esposa a condesa Paterna Gundesíndez, quen en 958 traspasaron o condado ao mosteiro e nese mesmo ano, o conde retirouse e faleceu aí antes de decembro de 966. Aparece citado xa en documentos de finais do século X, co nome de San Salvador. A historia dos 150 primeiros anos de vida do mosteiro non está suficientemente estudada; sabemos que a principios do século XII o mosteiro atópase abandonado. O mosteiro foi herdado polos descendentes dos fundadores, membros da Casa de Traba, e case dous séculos despois, en xaneiro de 1142, dous dos personaxes máis destacados desta liñaxe, Fernando e o seu irmán Bermudo Pérez de Traba, entregaron o mosteiro aos monxes cistercienses. Foi entón cando San Bernardo de Claraval envía desde a Abadía de Claraval, en Francia, de onde é abade, unha comunidade de monxes. Así, o 14 de febreiro de 1142, comeza en Santa María de Sobrado a vida monástica cisterciense.
Durante o resto do século XII e o século XIII o mosteiro desenvolve unha gran actividade espiritual e económica. Despois, como a maioría dos mosteiros de España e Europa, coñece unha etapa de decadencia que se detén no ano 1498 ao incorporarse á congregación de San Bernardo de Castela da orde do Císter. O mosteiro recupera gran parte da súa grandeza; a maioría dos edificios que actualmente se conservan comezan a construírse a partir desta nova época. A monumental igrexa termínase a finais do século XVII e no ano 1708 consagrouse solemnemente.
Ligazón
https://es.wikipedia.org/wiki/Monasterio_de_Santa_Mar%C3%ADa_de_Sobrado
O mosteiro de Sobrado dos Monxes, é un bonito monumento histórico, o que máis me gusta é a súa contorna no que podemos atopar a Lagoa de Sobrado; que foi creada polos monxes do mosteiro para abastecerse de peixe e de auga. Outro lugar con moita historia próximo a este mosteiro é o asentamento romano de Ciadella, aínda que non sexa moi coñecido é digno de visitar e sobre todo se che gusta a historia.
Ningún comentario:
Publicar un comentario